Даврон Ҳидоятов янги лавозимга тайинланди
У бир неча кун аввал Чирчиқ шаҳар ҳокими лавозимидан озод этилганди.
Жамият
18 март, 9:39
Даврон Ҳидоятов "Ўзавтосаноат" раисининг ўринбосари лавозимига тайинланди. Бу ҳақда Platina.uz манбаси хабар бермоқда.
Ҳидоятов бир неча кун аввал бошқа ишга ўтиши сабаб Чирчиқ шаҳар ҳокими лавозимидан озод этилганди.
Даврон Ҳидоятов 2021 йил ноябригача Тошкент вилояти ҳокими лавозимида ишлаган.
Эслатиб ўтамиз, Даврон Ҳидоятов 2021 йил ноябрида, Тошкент вилояти ҳокими лавозимини эгаллаб турган вақтида Зулфия Зокирова мажмуаси учун 28 миллиард сўмдан ошиқ пул ажратишга қарор қилганди. Аммо ўша ойда Ҳидоятов ишдан олиниб, унинг ўрнига Зойир Мирзаев тайинланган ва мажмуани қуриш кечиктирилгани маълум қилинган.
