Аббосбек Файзуллаев Осиёда эътироф этилди

Ўзбекистон миллий терма жамоаси ва Москванинг ЦСКА клуби футболчиси Аббосбек Файзуллаев Осиё кубоги-2023 турнирининг энг яхши ёш юлдузи деб топилди.

Мазкур мукофотга Али Жассим (Ироқ), Ли Кан Ин (Ж.Корея, «ПСЖ»), Али Олван (Иордания), Такефуса Кубо (Япония), Жордан Бос (Австралия), Абдулла Радиф (С.Арабистони), Марселино Фердинан (Индонезия), Султон Одил (БАА) ва Ориф Айман (Малайзия)лар ҳам даъвогарлик қилганди. 

Эслатиб ўтамиз, Файзуллаев турнир давомида рақиблар дарвозасига 2 та гол киритишга муваффақ бўлди. У турнирда Ҳиндистон ва Таиланд термалар дарвозасини ишғол қилди.