Спортни ривожлантириш ассоциацияси ташкил этилади
Президент йиғилишида унинг вазифаси ва тузилмаси белгиланди.
Ўзбекистонда ногиронлар учун Спортни ривожлантириш ассоциацияси тузилади. Бу ҳақда президент йиғилишида маълум қилинди.
Имконияти чекланган болалар борадиган 112 та мактаб ва 74 та боғчадаги таълим дастурини қайта кўриб чиқиш, мактабларни инклюзив таълимга мослаштириш дастурини амалга ошириш муҳимлиги таъкидланди.
Ногиронлиги бўлганлар учун Спортни ривожлантириш ассоциацияси ташкил этилади. Паралимпия қўмитаси, тегишли спорт федерациялари, Ўзбекистон махсус олимпиадаси Ассоциация таркибига киради.
Ассоциация ногиронлиги бор шахсларни маҳалладан бошлаб оммавий спортга жалб қилиш билан шуғулланади ва “Беш ташаббус” доирасида спорт мусобақаларини ўтказиб боради.
Аввалроқ йиғилишда "ижтимоий карта" жорий этилиши айтилганди. 1 октябрдан амалга ошириладиган лойиҳага ижтимоий ёрдам ва нафақалар киритилади.
