Маданият вазирининг машинаси одам уриб юборди
Ҳодиса Андижон вилояти Қорасув шаҳрида содир бўлган.
Ижтимоий тармоқларда маданият вазири Озодбек Назарбековнинг хизмат автомобили велосипеддаги йўловчини уриб юборгани видеоси тарқалди.
Маданият вазирлиги матбуот хизмати мазкур ҳодиса юзасидан баёнот берди.
Мазкур ҳодиса жорий йилнинг 16 феврал куни Андижон вилояти Қорасув шаҳрида содир бўлган.
"Жабрланувчи зудлик билан шифохонага олиб борилди. Шифокорлар унга тезкор тиббий ёрдам кўрсатишди. Текширувлар натижасида йўловчининг соғлиғи билан боғлиқ жиддий, хавотирли ҳолат йўқлиги аниқланди.
Заруратга кўра, албатта, бу борада яна қўшимча ахборот берилади. Шу ўринда, юртдошларимиздан йўлда ҳаракатланиш маданиятига қатъий риоя қилишларини сўраб қоламиз" дейилади вазирлик хабарида.
Ўз навбатида шахсан Озодбек Назарбековнинг ўзи жабрланувчининг ҳолидан хабар олган.
