Тошкент ҳокими сув тошқинларига қарши маблағ ажратди
Давлат молиявий назорат бошқармаси маблағ сарфланишини текширади.
Тошкент шаҳар ҳокими Шавкат Умрзоқовнинг қарори билан бюджетнинг захира жамғармаси ҳисобидан 846 миллион 500 минг сўм пул ажратилди.
Тақдим этилаётган пуллар Тошкент шаҳрида ёғингарчилик даврида сув тошқинлари билан боғлиқ авариявий ҳолатларни зудлик билан бартараф этиш учун талаб этиладиган махсус механизм ва материалларни харид қилиш учун берилади.
Маблағлар Тошкент шаҳар Ободонлаштириш бош бошқармаси тизимидаги Дренаж ва коллекторларни таъмирлаш ва сақлаш ихтисослаштирилган бошқармасига берилади.
Тошкент шаҳар Давлат молиявий назорат бошқармаси ажратилган пулларнинг мақсадли сарфланишини назорат қилади.
Аввалроқ Жиззах вилояти ҳокими "Тасвирий ойина" учун маблағ ажратгани маълум бўлганди.
