Жиззах вилояти ҳокимига иккита ўринбосар тайинланди
Шу ой бошида камбағалликни қисқартириш ва бандлик вазирининг биринчи ўринбосари бўлган Зафар Азимов ишдан кетди.
Жиззах вилояти ҳокимига янги ўринбосарлар тайинланди. Бу ҳақда вилоят ҳокимлиги хабар берди.
Азимов Зафар Абдумажидович вилоят ҳокимининг молия-иқтисодиёт ва камбағаликни қисқартириш масалалари бўйича биринчи ўринбосари - вилоят Иқтисодиёт ва молия бош бошқармаси бошлиғи лавозимига тайинланди.
Мазкур тайинловга қадар Камбағалликни қисқартириш ва бандлик вазирининг биринчи ўринбосари лавозимида фаолият олиб бораётган эди.
Шунингдек, Рўзиев Зафар Шаропович вилоят ҳокимининг қишлоқ ва сув хўжалиги масалалари бўйича ўринбосари - қишлоқ хўжалиги бошқармаси бошлиғи лавозимига тайинланди.
Мазкур тайинловга қадар 2019 йилдан буён Зарбдор тумани ҳокими вазифасида ишлаб келаётган эди. Ундан аввал Қашқадарё вилоятини ҳам бошқарган.
Маълумот учун, вилоят ҳокимининг молия-иқтисодиёт ва камбағаликни қисқартириш масалалари бўйича биринчи ўринбосари - вилоят Иқтисодиёт ва молия бош бошқармаси бошлиғи лавозимида 2021 йилдан бугунги кунгача Мустанов Абдивалижон Саидович ҳамда вилоят ҳокимининг қишлоқ ва сув хўжалиги масалалари бўйича ўринбосари лавозимида 2019 йилдан бугунги кунгача Ашурматов Ойбек Шодмонкулович ишлаб келаётган эди.
