Ўзбекистон ва Қозоғистон чегарасида яширин туннел аниқланди
Унинг узунлиги салкам ярим километрни ташкил этиб, катта миқдорда нефт маҳсулотлари ташилган.
Жамият
26 декабрь 2024 йил
Ўзбекистон ва Қозоғистон чегарасида яширин туннел аниқланди.
Унда Қозоғистондан контрабандачилар ёқилғи-мойлаш материалларини ноқонуний экспорт қилишган.
Туннел узунлиги 450 метрни ташкил этди. Ҳар куни у орқали 5-7 тонна нефт маҳсулотлари ташилган, дея хабар беради Туркистон вилояти прокуратураси.
Қозоғистон прокуратураси, иқтисодий тергов бўлими ва Миллий хавфсизлик қўмитаси ходимлари жиноий гуруҳнинг барча аъзоларини аниқлашди.
Ўзбекистон ҳуқуқ-тартибот идоралари томонидан ҳам шундай тадбирлар ўтказилди. Барча гумонланувчилар ҳибсга олинган. Экспорт қилинадиган ёқилғи учун маблағларни ўтказиш схемаси ҳам фош қилинган.
