Шавкат Аюпов Фанлар академияси президенти этиб сайланди
Аюпов 2021 йилда "Ўзбекистон қаҳрамони" унвони билан тақдирланган. Олий Мажлис Сенати аъзоси.
Математик олим Шавкат Аюпов Фанлар академияси президенти этиб сайланди.
Шавкат Аюпов 1952 йилда туғилган. 1974 йилда Тошкент давлат университетини битирган, академик Т. А. Саримсоқовнинг шогирди.
1977 йилда физика-математика фанлари номзоди, 1983 йилда физика-математика фанлари доктори унвонини олган.
Асосий илмий ишлари функционал анализ ва унинг замонавий тармоқларидан бири ҳисобланган операторлар алгебралари назариясига оиддир. Алгебра соҳасида йирик илмий тадқиқотларни амалга оширган.
2021 йилда "Ўзбекистон қаҳрамони" унвони билан тақдирланган. Олий Мажлис Сенати аъзоси.
Фанлар академиясининг аввалги раҳбари Беҳруз Йўлдошев август ойида вафот этганди.
