platina.uz

Россия Украина ҳудудига оммавий ракета зарбаси уюштирди

Украинага жами 93 та ракета ва 200 га яқин дрон учирилган. Мамлакат аҳолисининг қарийб ярми электрсиз қолгани айтилмоқда. 

Жаҳон
13 декабрь 2024 йил
Россия Украина ҳудудига оммавий ракета зарбаси уюштирди

Россия 13 декабр куни Украинага 93 та ракета ва 200 га яқин дрон учирди. Бу ҳақда Украина раҳбари Владимир Зеленский маълумот берди.

"Бу бизнинг энергетика соҳамизга қилинган энг катта ҳужумлардан бири", деди Владимир Зеленский ва камида битта ракета Шимолий Кореяга тегишли эканлигини айтди.

"Биз 81 та ракетани уриб туширишга муваффақ бўлдик, шундан 11 та қанотли ракета F-16 самолётларимиз туфайли уриб туширилди", — деди Зеленский.

Зеленский яна Ғарб иттифоқчиларини Украинани замонавий ҳаво мудофаа тизимлари, хусусан Patriot тизимлари билан таъминлашга, ракеталарни самарали тутиб олишга ва Россияга қурол ишлаб чиқариш қобилиятини чеклаш учун санкцияларни кучайтиришга чақирди.

Ўз навбатида Россия Мудофаа вазирлиги Украинадаги муҳим ёқилғи-энергетика инфратузилмаси объектларига ҳужумлар содир этилганини маълум қилди.

Ҳужум 11 декабр куни Таганрогдаги ҳарбий аэродромда Американинг ATACAMS ракетасидан фойдаланишга жавоб бўлгани айтилган.

Мудофаа вазирлигининг аниқлик киритишича, зарбаларда узоқ масофага учувчи ҳаво ва денгиз қуроллари, шунингдек, учувчисиз самолётлар қўлланган. "Украина ёқилғи-энергетика инфратузилмасининг муҳим муҳим объектларига, ҳарбий-саноат комплексининг ишлашини таъминлашга катта зарба берилди", дейилади департамент баёнотида.

Украинанинг бир қанча вилоятлари расмийлари энергетика инфратузилмасига зарар етказилгани ҳақида хабар берган. "Укрэнерго" ширкати мамлакат аҳолисининг ярмига яқини электр энергиясиз қолганини маълум қилди.

© 2025 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+