МКБАНК ходимлари “Заковат” интеллектуал ўйинида беллашди
Ҳаяжонли, ҳиссиётларга тўла ва кутилмаган саволларга бой ўтган ақл жангида ғолиб жамоалар эсдалик совғалари, диплом ва медаллар билан тақдирланишди.
МКБАНК ходимлари ўртасида Конституция кунига бағишлаб, “Заковат” интеллектуал ўйини бўлиб ўтди.
Абдурасул Абдуллаев бошчилигида “Заковар арена”да ўтказилган мазкур ўйинда МКБАНКнинг республикадаги барча ҳудудий бошқармалари, БХО ва БХМлари ҳамда Бош офис ходимларидан ташкил топган энг кучли жамоалари беллашди.
30 га яқин жамоалар иштирок этган билимлар беллашувида банкирлар нафақат, ўз заковатларию зукколигини намойиш этишди, балки жамоавий аҳиллик, дўстлик ҳамда ўзаро самимий мулоқотнинг натижасини кўрсатишди.
Айниқса, 1- ва 2-тур ўртасида берилган танаффусда банк жамоаси бир стол атрофида яқиндан танишиш, фикр алмашиш имконига ҳам эга бўлишди.
Ҳаяжонли, ҳиссиётларга тўла ва кутилмаган саволларга бой ўтган ақл жангида ғолиб жамоалар эсдалик совғалари, диплом ва медаллар билан тақдирланишди.
Бундай анъана, яъни билимлар беллашуви МКБАНК томонидан мунтазам ўтказиб келинаётган бўлса-да, бу галги “Заковат” интеллектуал ўйини барча жамоа иштирокчиларида катта таассурот қолдирди, дейиш мумкин.
