Шоира Фарида Афрўз Ёзувчилар уюшмаси раиси ўринбосари бўлди
Фарида Бўтаева 1956 йил 5 мартда Қўқон шаҳрида туғилган. 1994 йилдан буён Ўзбекистон Ёзувчилар уюшмаси аъзоси.
Ўзбекистон Ёзувчилар уюшмаси аъзоси, шоира Фарида Афрўз уюшма раисининг ўринбосари этиб тайинланди. Бу ҳақда уюшма матбуот хизмати хабар берди.
Бугун шу муносабат билан Ёзувчилар уюшмасида Президент Администрацияси ва Вазирлар Маҳкамаси масъул ходимлари ҳамда уюшма жамоаси иштирокида йиғилиш бўлиб ўтган. Аввал бу лавозимда бошқа бир шоир Ботиржон Эргашев ишлаб келган.
Фарида Афрўз (Бўтаева Фарида) – 1956 йил 5 мартда Қўқон шаҳрида туғилган. 1994 йилдан буён Ўзбекистон Ёзувчилар уюшмаси аъзоси.
Унинг "Қирқкокиллигим", "Изтироб кўйлаги", "Тунлар исёни", "Кўзим маним…", "Қурбонжон додхоҳ" тарихий драмаси, "Ўзимдан ўзимгача", "Пока есть на земле разлука…", "От Фариды Афруз" (Москва), "Гун айдин" (Истамбул), "Ушшоқ" сингари шеърий тўпламлари чоп этилган.
Шеърлари рус, турк, инглиз, немис, француз, форс, уйғур, озор, гагоуз, хитой, корейс тилларига таржима қилинган.
