Шавкат Мирзиёев Доналд Трампни табриклади
Узоқ муддатли ва кенг қамровли муносабатларни янги босқичга кўтариш мақсадида АҚШ президенти Ўзбекистонга таклиф қилинди.
Президент Шавкат Мирзиёев АҚШ президенти этиб сайланган Доналд Трампни сайловдаги ғалаба билан табриклади.
"Биз бундан кейин ҳам Сизнинг бошчилигингиздаги АҚШ Администрацияси билан дўстона алоқаларни изчил давом эттиришга, олий ва юқори даражада эришилган барча келишувларни тўлиқ амалга оширишдан манфаатдормиз.
Шунингдек, “С5+1” платформаси ва “Марказий Осиё давлатлари билан АҚШ ўртасида савдо ва инвестициялар бўйича ҳадли Битими” доирасида минтақавий ҳамкорликни янада кенгайтириш тарафдоримиз", дейилади табрикда.
Шунингдек, Ўзбекистон раҳбари Доналд Трампни расмий ташриф билан келишга таклиф қилган.
Эслатиб ўтамиз, Доналд Трамп АҚШ президенти сайловида катта устунлик билан Камала Харрисни ортда қолдирди ва 47-президент бўлди.
