Майя Санду Молдова президентлик сайловида ютганини эълон қилди

Молдованинг амалдаги президенти, Европа билан яқинлашиш тарафдори Майя Санду президентлик сайловларининг иккинчи босқичида ғалаба қозонганини эълон қилди.

Овозларни санаш ҳали якунланмаган, бироқ Сандунинг рақиби, мамлакатнинг собиқ бош прокурори Александр Стояногло энди унга етиб олиш имконига эга эмас. Санду хорижда яшовчи молдоваликларнинг овозлари эвазига ғалаба қозонди.

Сандунинг рақибидан устунлиги тўққиз фоиз пунктдан ошиб кетган ва сайлов участкаларининг атиги икки фоизга яқин овозлари ҳисобланмай қолганида, Санду аллақачон ғалабани эълон қилиш мумкин, деб ҳисоблади. Агентликларнинг хабар беришича, Санду Молдова ушбу сайловларда ғалаба қозонганини айтди, мамлакатдаги ва чет элдаги сайловчиларга миннатдорчилик билдирди.

Маҳаллий вақт билан тунги уч яримдаги маълумотларга кўра, сайлов участкаларининг 98,9 фоизи овозлари санаб ўтилганда, Санду 55 фоиздан кўпроқ, Стояногло мос равишда 45 фоиздан кам овоз тўплаган. Охирги олти-етти фоиз сайлов участкаларида Санду Стояноглони ортда қолдириб, ўз пешқадамлигини тез суръатда ошириб борди: охиргилари хориждаги сайлов участкалари овозлари ҳисобланди ва Европада яшовчи кўплаб молдованлар Сандуни кўпчилик қўллаб-қувватлади.

Эслатиб ўтамиз,Санду биринчи турда 42 фоиздан ошиқ овоз олганди. У мамлакатни 2020 йилдан бери бошқариб келади.