Poytaxt bank Бухорода биринчи ҳудудий банк хизматлари марказини очди
Банкнинг янги маркази аҳолига молиявий маслаҳатлар, кредитлар, омонатлар ва бошқа хизматларни кўрсатади.
30 октябрь куни Poytaxt bank мижозларига янада яқин бўлиш ва ҳудудий тармоқларини кенгайтириш мақсадида Бухоро шаҳрида янги банк хизматлари марказини очди.
Ушбу муҳим қадам банкнинг молиявий хизматларни нафақат Тошкентда, балки Ўзбекистоннинг турли ҳудудларида ҳам тақдим этишга интилаётганини намойиш этади.
Янги марказ Бухоро шаҳри, Ҳамза кўчаси, 8-уй, 1-хонадонда жойлашган бўлиб, аҳолига молиявий маслаҳатлар, кредитлар, омонатлар ва бошқа хизматларни кўрсатади.
Қайд этиш керакки, бу Poytaxt bank’нинг юрт бўйлаб хизмат тармоғини кенгайтириш ва сифатини янги даражага олиб чиқиш йўлидаги муҳим қадамдир.
Маълум қилинишича, Poytaxt bank Ўзбекистон бўйлаб банк хизматлари марказларини очишни яна давом эттиради.
