Қозоғистон президенти МДҲ хавфсизлик хизматлари раҳбарлари билан учрашди
Учрашувда ДХХ раҳбари Абдусалом Азизов ҳам қатнашди.
Қозоғистон раҳбари Қосим-Жўмарт Тўқаев МДҲ давлатлари хавфсизлик органлари ва махсус хизматлари раҳбарлари билан учрашди.
Президент мазкур платформа хавфсизлик соҳасидаги саъй-ҳаракатларни мувофиқлаштириш воситаси сифатида ўзини намоён этганини, замонавий шароитда Кенгашнинг роли янада ортиб бораётганини таъкидлади. Давлат раҳбари тезкор ва таҳлилий маълумотларнинг ўз вақтида алмашинуви минтақавий хавфсизликка таҳдид ва таҳдидларга қарши курашиш самарадорлигини ошириш имконини беришини, мамлакатлар миллий манфаатларини ҳимоя қилиш бўйича келишилган ёндашувларни ишлаб чиқишга хизмат қилишини таъкидлади.
Қосим-Жўмарт Тўқаев учрашув якунлари Ҳамдўстлик давлатларининг махсус хизматлари ўртасидаги ўзаро ҳамкорликни янада ривожлантириш учун шарт-шароит яратишига, халқаро хавфсизликни таъминлаш соҳасида ҳамкорликни мустаҳкамлашга кўмаклашишига ишонч билдирди.
Йиғилишда Озарбайжон, Арманистон, Беларус, Қозоғистон, Қирғизистон, Россия, Тожикистон, Ўзбекистон делегациялари раҳбарлари, шунингдек, Ижроия қўмитаси ва МДҲ Аксилтеррор маркази иштирок этди.
