Комил Алламжонов лавозимидан озод этилди

Ўзбекистон Республикаси Президентининг тегишли фармони билан Комил Исмоилович Алламжонов бошқа ишга ўтиши муносабати билан Президент Администрацияси Ахборот сиёсати департаментининг раҳбари лавозимидан озод этилди. 

"Комил Алламжонов юртимизда сўз эркинлигини ривожлантириш, давлат органлари фаолиятининг очиқлигини таъминлаш ва халқ таълими тизимини такомиллаштириш бўйича Президентимиз Ш.М. Мирзиёев белгилаб берган устувор вазифаларни амалга оширишда катта натижаларга эришди" дейилади президент матбуот хизмати хабарида.

Алламжонов мазкур лавозимга 2022 йил июл ойида тайинланганди. 

Ҳозирча унинг янги иш жойи маълум қилинмаган.