"Қамчиқ" довонида ҳаракат чекланди
Ҳудудда табиий офат оқибатларини бартараф этиш мақсадида бурғилаш ва портлатиш ишлари амалга оширилади.
Жамият
18 сентябрь, 10:13
"Қамчиқ" довонида ҳаракат вақтинча чекланди. Бу ҳақда Йўл ҳаракати хавфсизлиги хизмати хабар берди.
"Қамчиқ" довони ҳудудидан ўтувчи А-373 автомобиль йулининг 254,6 ва 258 километрлари оралиғида табиий офат оқибатларини бартараф этиш мақсадида бурғилаш ва портлатиш ишлари амалга оширилади.
Шу муносабат билан бугун, 2024 йил 18 сентябрь куни соат 10:00 дан бошлаб ушбу ҳудудда транспортлар ҳаракати вақтинча чекланади.
Довоннинг ҳаракат чекланган қисми қачон очилиши кейинроқ эълон қилинади.
