Футзал жаҳон чемпионати: терма жамоалар Ўзбекистонга келмоқда

Ўзбекистонда бўлиб ўтадиган футбол бўйича жаҳон чемпионати иштирокчилари мамлакатга етиб келмоқда. 

Чемпионат олдидан муҳим тадбир бўлиб ўтди. Ўзбекистон Республикаси Ички ишлар вазирлиги, Миллий гвардия, Фавқулодда вазиятлар вазирлиги, Спорт вазирлиги ҳамда 2024 йилги футзал бўйича Жаҳон чемпионати ташкилий қўмитаси ва ФИФА вакиллари иштирокида яқинлашиб келаётган Жаҳон чемпионатининг Хавфсизлик концепцияси имзоланди.

Хавфсизлик концепциясининг имзоланиши турнирга тайёргарликнинг мажбурий босқичи бўлиб, мусобақанинг муваффақиятли ўтишини таъминлашда муҳим жараён ҳисобланади.

Хавфсизлик концепциясини ишлаб чиқиш ҳуқуқий-меъёрий базани, шунингдек, бу каби йирик миқёсдаги турнирларни ташкил этиш бўйича халқаро талабларни ҳар томонлама таҳлил қилиш натижасида юзага келади. 

Ушбу концепцияни ишлаб чиқиш жараёнида орттирилган тажриба ва билим келажакда халқаро турнирларни ташкил этиш, ўтказиш ва бу тажрибани бутун дунё бўйлаб улашиш имкониятини тақдим этади.

Шунингдек, чемпионат иштирокчилари Ўзбекистонга кела бошлади. Улар орасида Афғонистон, Куба ва Испания каби термалар ҳам бор.