Шаҳина Йигиталиева кумуш медални қўлга киритди

15 ёшли Шаҳина Йигиталиева Паралимпия ўйинларининг кумуш медалига сазовор бўлди. 

Пара енгил атлетика бўйича аёллар ўртасида Ф46 классида найза улоқтириш дастурида финал баҳси якунланди. Ўзбекистон шарафини ҳимоя қилган Шаҳина Йигиталиева 43.12 метр натижа билан делегация ҳисобига навбатдаги кумуш медални тақдим этди.

Қайд этиш лозимки, Шаҳина Йигиталиева делегация таркибидаги энг ёш спортчи ҳисобланади. 

Истеъдодли пара атлетимиз 2008 йил 16 октябрда таваллуд топган.

Афсуски, ушбу йўналишда қатнашган яна бир спортчи Розия Эргашева 35.98 метр натижа билан 9-ўринни эгаллади.