Японияда "Шаншан" тўфони оқибатида тўрт киши ҳалок бўлди

Японияда мамлакатни қамраб олган "Шаншан" тўфони оқибатида ҳалок бўлганлар сони тўрт кишига етди, яна 96 киши жароҳат олди, дея хабар бермоқда The Japan Times.

Япониянинг марказий қисмидаги Айти префектурасида кучли ёмғир туфайли юзага келган кўчки туфайли уч киши ҳалок бўлди. Сикоку оролидаги Токусима префектурасининг бир нафар фуқароси уйнинг томи қулаши оқибатида ҳалок бўлди.

Жума куни Кюсю оролида 100 мингдан ортиқ уй электр энергиясиз қолмоқда. Табиий офат ҳудудида шамолнинг тезлиги соатига 108 км га етди. Сўнгги уч кун ичида Миязаки префектурасида (Кюсю оролида) деярли 90 см ёғингарчилик ёғди, бу август ойидаги ўртача ёғингарчиликдан 1,5 баравар кўп.

Шу билан бирга, "Шаншан" ўз кучини бироз йўқотди ва энди тропик бўрон сифатида таснифланади.

Япония метеорологлари мамлакат аҳолисини дам олиш кунлари ёмғир ва кучли шамоллар хавфидан огоҳлантирмоқда.