Кубаро Ҳакимова кумуш медални қўлга киритди

Енгил атлетикачи Кубаро Ҳакимова кумуш медалга сазовор бўлди.

Париж-2024 ёзги Паралимпия ўйинларида Ўзбекистон делегацияси навбатдаги медалга эришди. Пара енгил атлетикачи Кубаро Ҳакимова Ф41 классида кечган ядро улоқтириш баҳсларида кумуш медалга сазовор бўлди.

Ҳакимова муросасиз баҳсларда 10.36 метр натижа қайд этди. Мазкур йўналишда иштирок этган бошқа бир ўзбекистонлик Мадина Мухторова 8.10 метр билан саккизинчи бўлди.

Шу тариқа, Ўзбекистон делегацияси ҳисобидаги медаллар ҳозирча 2 та кумуш ва 1 та бронзани ташкил қилмоқда