Асила Мирзаёрова - олтин медал соҳиби
Паралимпия рекордини янгилаган Мирзаёрова Ўзбекистонга илк олтинни келтирди. Делегация ҳисобидаги медаллар ҳозирча 1 та олтин, 2 та кумуш ва 1 та бронзага етди.
Спорт
30 август, 16:19
28 йиллик Паралимпиада рекордини янгилаган Асила Мирзаёрова Ўзбекистонга илк олтин медални тақдим қилди.
Ўзбекистон делегацияси Париж-2024 ёзги Паралимпия ўйинларида дастлабки олтин медалини қўлга киритди. Мазкур чемпионлик Асила Мирзаёровага насиб этди.
Т11 классида узунликка сакраш дастурида иштирок этган спортчи 5.24 метр қайд этиб, энг юқори натижани кўрсатди. Яна бир аҳамиятли томони, ушбу кўрсаткич янги Паралимпия ўйинлари рекорди сифатида белгиланди.
Шу тариқа, делегация ҳисобидаги медаллар ҳозирча 1 та олтин, 2 та кумуш ва 1 та бронзага етди.
