Эрондаги ЙТҲда 35 нафар покистонлик ҳалок бўлди
Ҳодисага автобус тормози ишламай қолиши сабаб бўлган. 15 киши оғир аҳволда экани айтилмоқда.
Жаҳон
21 август, 15:52
Эроннинг Язд шаҳрида автобус иштирокида ЙТҲ содир бўлди.
Ҳодиса оқибатида 35 киши ҳалок бўлди, 15 киши оғир тан жароҳати олди.
Покистон радиосига кўра, автобусда покистонлик зиёратчилар бўлган.
Дастлабки маълумотларга кўра, ҳодисага тормознинг ишламай қолиши сабаб бўлган. Автобус Покистондан Ироққа кетаётган эди.
Покистон президенти Осиф Али Зардорий қурбонлар муносабати билан ҳамдардлик билдирди.
У Ташқи ишлар вазирлигига жабрланганларга ёрдам кўрсатиш, қурбонларнинг жасадларини ватанига етказиш бўйича топшириқ берган.
