Актёр Ален Делон вафот этди
У ўтган асрда "Рокко ва унинг биродарлари", "Ёрқин қуёшда", "Самурай" филмлари орқали танилганди.
Маданият
18 август, 12:00
Франциялик актёр Ален Делон 88 ёшида вафот этди.
Театр ва кино актёри, режиссёр ва сценарий муаллифи Ален Делон "Рокко ва унинг биродарлари" (1960), "Ёрқин қуёшда" (1960), "Самурай" (1967) фильмларидаги роллари билан танилган.
1980 йилда собиқ иттифоқ ижодкорлари ишлаган "Теҳрон-43" фильмида суратга тушган.
Делон "Бизнинг тарих" фильми учун Цезар мукофоти лауреати ва Халқаро Берлин кинофестивалининг фахрий мукофотини олган.
2019 йилги Канн кинофестивалида у кинога қўшган ҳиссаси учун "Олтин палма япроғи" мукофотини қўлга киритганди.
Делон оғир касалликка чалинган, ҳатто 2022 йилда у эвтаназия қилиниши бўйича хабарлар пайдо бўлганди.
