Абдумалик Халоков ҳам олимпиада чемпиони бўлди
Ўзбекистон делегацияси ҳисобидаги медаллар ҳозирча 7 та олтин, 1 та кумуш ва 3 та бронзага етди.
Спорт
11 август, 1:07
Абдумалик Халоков Ўзбекистон делегациясига еттинчи олтин медални тақдим этди.
Бокс бўйича Ўзбекистон терма жамоаси аъзоси, жаҳон чемпиони Абдумалик Халоков совринлари орасига ёзги Олимпия ўйинларининг олтин медалини ҳам қўшиб қўймоқда.
Бухоролик спортчи чемпионлик жангида Қирғизистон вакили Мунарбек Сеитбек ўғлини мағлуб этиб, шоҳсупанинг энг юқори поғонасига кўтарилди.
Ушбу муваффақиятдан кейин Ўзбекистон делегацияси ҳисобидаги медаллар ҳозирча 7 та олтин, 1 та кумуш ва 3 та бронзага етмоқда.
