Венесуэлада президент сайловидан сўнг намойиш ва тартибсизликлар бошланди

Венесуэлада Николас Мадуронинг сайловларда ғолиб деб эълон қилинишига қарши норозилик намойишлари бошланиб кетди.

Венесуэла Марказий сайлов комиссияси душанбага ўтар кечаси амалдаги президент Николас Мадурони сайлов ғолиби деб эълон қилганидан сўнг унинг минглаб кишилар Каракас ва бошқа шаҳарлар кўчаларига чиқиб, норозилик билдиришди.

Полиция ва ҳарбийлар билан тўқнашувлар бошланди.

“Аввалига улар президент Мадуро ўзини ғолиб деб эълон қилганига норозилик билдириш учун бош кўтаришди. Кейин таранглик кучая бошлади, дея хабар беради BBC нашри Каракасдан.

"Минглаб намойишчилар марказга ва президент саройига бир неча километр масофани босиб ўтишди. Кўчаларда машиналар, шиналар, чиқиндилар ёқиб юборилмоқда. Намойишчилар билан қуролланган полиция ўртасида тўқнашувлар юз берди".

Полиция ва ҳарбийлар президент саройи атрофидаги кўчаларни тўсиб, намойишчиларга пластик ўқлар ва кўздан ёш оқизувчи газ гранаталарини ўта бошлади.

Намойишчилар тошлар ва бензин солинган шишалар билан жавоб беришмоқда.

АҚШ ва Лотин Америкасининг қатор давлатлари сайлов натижаларини тан олмади.

Эслатиб ўтамиз, Николас Мадуро 2013 йилдан буён мамлакатни бошқариб келади.