Академик лицейларга кириш имтиҳонлари 25–26 июл кунлари ўтказилади
Имтиҳонлар махсус белгиланган ҳудудларда икки сменада бўлиб ўтади.
![Академик лицейларга кириш имтиҳонлари 25–26 июл кунлари ўтказилади](https://cp.platina.uz/media/CACHE/images/akademik_litseylar_600.4f895ea2cff8.webp)
Академик лицейларга кириш тест синовлари ўтказилиш санаси ва вақти аниқ бўлди.
Кириш тест синовлари 25–26 июл кунлари Билим ва малакаларни баҳолаш агентлиги томонидан махсус белгиланган ҳудудларда икки сменада ўтказилади.
Тест синовларини ўтказилиш вақти:
25 июль куни соат 15:00 да;
26 июль куни сменада ўтказилиб:
1- смена соат 9:00 да;
2- смена соат 15:00 да бошланади.
Академик лицейларга ҳужжат топширган абитуриентлар тест синовларига кириш рухсатномасини:
- my.edu.uz сайтидаги шахсий кабинетига ўзининг логин ва пароли билан кирган ҳолда юклаб олиши;
-ёки бевосита ҳужжат топширган академик лицейдан бориб олиши мумкин.
Абитуриентлардан тест синови ўтказиладиган ҳудудга белгиланган вақтдан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келишлари сўралади.
Эслатиб ўтамиз, айни дамда ОТМларга ҳам кириш имтиҳонлари давом этмоқда. Имтиҳонлар 14 июлдан бошланганди.