Венгрия бош вазири кортежи ЙТҲга учради, бир полициячи ҳалок бўлди
Виктор Орбан Штутгартда Венгрия терма жамоасининг футбол учрашувини томоша қилиб қайтаётган бўлган.
Штутгартда автомобил Венгрия бош вазири Виктор Орбан кортежига ҳамроҳлик қилаётган полициячининг мотоцикли билан тўқнашиб кетди, дея хабар қилмоқда Bild нашри.
Газетанинг ёзишича, ҳодиса оқибатида 61 ёшли полициячи ҳалок бўлган, яна бир полициячи жароҳат олган.
Воқеа содир бўлган вақтда Орбан аэропортга кетаётган эди. Аввалроқ Штутгартда у Венгрия терма жамоасининг 2024 йилги футбол бўйича Европа чемпионатидаги ўйинини томоша қилиш стадионга ташриф буюрган эди.
Орбан автоҳалокатда жабрланганми ёки йўқми номаълум.
Эслатиб ўтамиз, 23 июн куни Штутгартда Венгрия ва Шотландия терма жамоалари ўртасидаги ўйинда венгерлар 1:0 ҳисобида ғалаба қозонишди.