Евро-2024: Португалия Туркияни тор-мор этди
Роналду бошлиқ жамоа кейинги босқич масаласини ҳал қилди.
Спорт
22 июнь, 22:45
Европа чемпионати F гуруҳи 2-турида Туркия ва Португалия терма жамоалари майдонга тушди. Ўйинда Роналду жамоадошлари йирик ҳисобда ғалаба қозонди.
Ҳисобни 21-дақиқада Силва очган бўлса, орадан 7 дақиқа ўтиб, турк ҳимоячиси ва дарвозабони бир-бирини тушунмаслиги оқибатида кулгили автогол урилди.
Учинчи голни Роналду ва Фернандеш тандеми урди. Криштиану яккама-якка ҳолатда гол урмай, ёнида очилган Брунуга пасни қизғанмади.
Шу тариқа гуруҳда Португалияда 6, Туркияда 3, Чехия ва Грузияда 1 очкодан бор.
Евро-2024, F гуруҳи, 2-тур
Туркия - Португалия 0:3
Голлар: Силва 21, Оқойдин 28 автогол, Фернандеш 55
