Канадалик машҳур актёр вафот этди

"Очлик ўйинлари", "Итальянча ўғирлик","Ҳарбий-дала госпитали", "Ғурур ва андиша", "Манфаатли таклиф" каби фильмлар юлдузи Доналд Сазерленд 88 ёшида вафот этди.

Актёрнинг ўғли Кифер отасининг ўлими ҳақида хабар берган.

"Мен уни кино тарихидаги энг муҳим актёрлардан бири деб биламан. У ҳеч қандай ролга - яхшими, ёмонми ёки ёвузлигига парво қилмасди", - деди Кифер.

"У ўз бизнесини яхши кўрарди ва ўзи севган иш билан шуғулланарди", деди Кифер.

Муваффақият Доналд Сазерлендга 1970 йилларда Америка телекўрсатувида жарроҳ Пирс ролида ўйнаганидан кейин келди.

Сазерленд ижодий фаолияти давомида 200 га яқин ролларни ижро этган.

У Канадада туғилган, у ерда биринчи марта радио мухбири бўлиб ишлаган. 1957 йилда бўлажак актёр Лондонга кўчиб ўтди ва Лондон мусиқа ва драматик санъат академиясида таҳсил олди.

Кейин Британия кино ва телевидениесида кичик ролларни ўйнади.

Доналд Сазерленд тўрт ўғил ва бир қизнинг отаси эди.

Тижорат муваффақияти ва танқидий эътирофга қарамай, у ҳеч қачон "Оскар" мукофотини олмаган, аммо 2017 йилда кинодаги карераси учун фахрий мукофотга сазовор бўлган.