Евро-2024: Хорватия иродали ғалабани қўлдан чиқарди
Хорватлар биринчи турда Испанияга йирик ҳисобда мағлубиятга учраганди.
Европа чемпионатининг 2-тур ўйинлари Хорватия ва Албания ўйини билан очилди. Хорватлар камбек қилаётиб, ғалабани қўлдан чиқаришди.
Асосан Хорватия устунлиги остида ўтган учрашувда албаниялик Лачи 11-дақиқадаёқ ҳисобни очди. Иккинчи бўлимнинг 74-дақиқасида киритилган Крамаричнинг голи ҳисобни тенглаштирди.
Орадан 2 дақиқа ўтар-ўтмас, албанлар ўз дарвозаларига гол киритиб қўйди. Аммо автогол урган Гйасула айбини ювиб, ҳисобни тенглаштирди.
Шу тариқа хорватлар Испанияга қарши йирик мағлубиятдан кейин дурангга эришишди холос.
Евро-2024, B гуруҳи, 2-тур
Хорватия - Албания 2:2
Голлар: Крамарич 74, Гйасула 76 автогол - Лачи 11, Гйасула 90+5
