Тошкент шаҳар ҳокимига икки ўринбосар тайинланди
Жумладан, Бахтиёр Хайдаров ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди.
![Тошкент шаҳар ҳокимига икки ўринбосар тайинланди](https://cp.platina.uz/media/CACHE/images/IMG_20240613_161740_767.4874552891e9.webp)
Тошкент шаҳар ҳокимига ўринбосарлар тайинланди.
Жумладан, Бахтиёр Хайдаров Тошкент шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди.
1989 йилда туғилган Б.Хайдаров шу кунга қадар Президент Администрацияси Ижтимоий соҳада муҳим ташаббусларни ишлаб чиқиш бошқармаси бошлиғи лавозимида ишлаган.
Санжар Таджиев Тошкент шаҳар ҳокимининг туризм, маданият, маданий мерос ва оммавий коммуникациялар масалалари бўйича ўринбосари лавозимига тайинланди.
1981 йилда туғилган С.Таджиев бунга қадар Тошкент шаҳар Туризм ва маданий мерос бош бошқармаси бошлиғининг биринчи ўринбосари, “The Mob” МЧЖда бош директор лавозимида ишлаган.
Эслатиб ўтамиз, Тошкент шаҳри ҳокимининг туризм масалалари бўйича аввалги ўринбосари Фахриддин Давруков президент йиғилишида янги таклифлар билан чиқмаётгани сабабли лавозимидан озод этилганди.