Кувайтдаги ёнғинда қарийб 50 ишчи ҳалок бўлди
Қурбонларнинг 40 нафари ҳиндистонликлардир. Ҳалок бўлганлар меҳнат муҳожирлари саналади.
Жаҳон
13 июнь, 11:11
Кувайт жануби-шарқидаги Мангаф туманида ишчилар яшайдиган бинода чиққан ёнғин оқибатида камида 49 киши ҳалок бўлди. Ўнлаб одамлар яраланган, дея хабар бермоқда Euronews.
Қурбонлар орасида 40 нафар Ҳиндистон фуқароси ҳам бор. Бу хабарни мамлакат ташқи ишлар вазирлиги тасдиқлаган.
Кувайт расмийлари уй эгасини ҳибсга олиш ниятида эканликларини эълон қилиб, "мулк эгаларининг очкўзлиги бундай муаммоларга олиб келади", дея баёнот беришган.
Кувайт кўплаб соҳаларда, жумладан, қурилиш ва нефт қазиб олишда чет эллик ишчиларга таянади.
Маҳаллий матбуотнинг хабар беришича, бинода 200 га яқин ишчи бўлган.
Телеграмда кузатиб боринг!
