Дания бош вазирига номаълум шахс ҳужум қилди
Бош вазир жиддий жароҳат олмаган, аммо шокда экани айтилмоқда.
Жаҳон
8 июнь, 9:22
Дания бош вазири Метте Фредериксен Копенгаген марказида ҳужумга учради.
Ritzau агентлигининг Reuters'га таяниб хабар беришича, бир киши Дания ҳукумати раҳбарига яқинлашиб, уни ура бошлаган. Ҳужумчи қўлга олинган, аммо унинг сабаблари ҳақида ҳозирча маълумот берилмаган.
Бош вазирлик идорасининг билдиришича, бош вазир жиддий жароҳат олмаган, аммо шокда. Ҳужум Копенгагеннинг марказий майдонларидан бирида содир бўлди. Эслатиб ўтамиз, Данияда сиёсатчиларга ҳужумлар жуда кам учрайди.
Сўнгги вақтларда Европада сиёсатчиларга тажовузлар кўпаймоқда. Май ойида Словакия бош вазири Фицо отиб кетилганди.
