Инвестиция вазирига икки ўринбосар тайинланди

Инвестициялар саноат ва савдо вазирига икки ўринбосар тайинланди. Бу ҳақда Бош вазир матбуот хизмати хабар берди.

Вазирлар Маҳкамасининг тегишли қарори билан, Шоҳруҳ Ҳасанович Ғуломов ҳамда Акрам Зоирович Алиев инвестициялар, саноат ва савдо вазирининг ўринбосарлари вазифасини бажарувчи этиб тайинланди.

Эслатиб ўтамиз, март ойида Илзат Қосимов ҳам инвестиция вазирига ўринбосар этиб тайинланганди.