Шимолий Корея АҚШнинг ядро синовлари сабаб тайёргарликни кучайтирди

Шимолий Корея АҚШнинг 14 май куни Невада ядро полигонида ўтказган синовлари туфайли ядровий тийиб туриш бўйича умумий тайёргарлигини оширишга мажбур бўлмоқда. Бу Шимолий Корея ташқи ишлар вазирлиги вакили маълумот берган. Вазирликнинг таъкидлашича, Шимолий Корея расмийлари Корея ярим оролида хавфсизлик нуқтаи назаридан стратегик мувозанатнинг бузилишига йўл қўймайди.

"АҚШнинг бир томонлама ҳаракатлари туфайли минтақада ва глобал миқёсда юзага келган стратегик беқарорликка тайёргарлик кўриш учун биз суверен ҳуқуқимиз доирасида ядровий тийиб туришга умумий тайёргарликни ошириш бўйича зарур чораларни кўришга мажбурмиз", - дейилади Корея марказий телеграф агентлигининг баёнотида.

АҚШ Миллий Ядро хавфсизлиги бошқармаси хабар беришича, 14 май куни Лос-Аламосдаги ер ости лабораториясида ядровий портлаш синовларига мораторийга мувофиқ 34-критик тажриба ўтказилди. Натижада, Қўшма Штатлар Америка ядровий арсеналининг хавфсизлиги, ишончлилиги ва самарадорлигини текшириш учун ишлатиладиган симуляция моделини яхшилаш учун фойдаланишни режалаштираётган маълумотларни олди.

Ҳукумат, шунингдек, ядровий қуролларда ишлатиладиган материаллар бўйича муҳим маълумотларни тўплаш учун субкритик тажрибалар частотасини ошириш режаларини эълон қилди.

Япониянинг Хиросима ва Нагасаки шаҳарлари раҳбарияти Вашингтонга синов юзасидан норозилик билдиришди. Баёнотда айтилишича, АҚШнинг ҳаракатлари кўпчиликнинг ядровий қуролдан воз кечиш истагига зиддир.