Япония ёшлари Осиё чемпиони бўлди!

Футбол бўйича ёшлар ўртасидаги Осиё чемпионати финалида Ўзбекистон терма жамоаси Японияга мағлуб бўлиб, қитъада иккинчи ўринни эгаллади.

Ёшларимиз мусобақа давомида бирор марта мағлубиятга учрамади ва финалгача ўз дарвозаларидан бирорта гол ҳам ўтказмади. Улар Осиё кубоги доирасида энг кўп гол урган жамоага айланди – жами 14 та гол.

Ўйин мутлақо тенг курашлар остида ўтди. Ҳар икки жамоа ҳам финалга муносиб эканини кўрсата олишди. Учрашувнинг 90+1-дақиқасида омад японларга кулиб боқди ва Йамада ҳисобни очди. 100-дақиқада японларга белгиланган пеналтини Раҳмоналиев голга айлантира олмади.

Шу тариқа ўйин тақдирини ягона гол ҳал қилди. Учинчи ўрин учун кечган баҳсда Ироқ термаси Индонезияни ютиб, Париж олимпиадаси йўлланмасига эга чиқди.

Осиё кубоги, финал

Япония - Ўзбекистон 1:0
Гол: Йамада 90+1