Қатор давлатлар Россиядаги эҳтимолий терактлардан огоҳлантирмоқда
АҚШ ва Европа давлатлари, шунингдек Жанубий Корея ўз фуқароларига Россияга боришдан тийилишга чақирди.
Жанубий Корея, Чехия, Канада ва Швеция Россияда терактлар содир этилиши хавфидан огоҳлантирмоқда. “Коммерсант” ушбу мамлакатлардан келган хабарларга эътибор қаратди.
Бу мамлакатларнинг дипломатик ваколатхоналари ва ҳукуматлари ҳам бироз аввал Америка элчихонаси томонидан эълон қилинган маълумотларга ўхшаш баёнотлар беришди.
Бунгача Латвия Ташқи ишлар вазирлиги фуқароларни Россияга саёҳат қилишдан тийилишга, Москвадагиларни эса яқин 48 соат ичида терактлар хавфи туфайли оммавий тадбирлардан қочишга чақирган эди.
Шунга ўхшаш огоҳлантиришлар аввалроқ АҚШ, Буюк Британия, Германия томонидан ҳам эълон қилинган. АҚШ дипломатик миссиясининг пресс-релизида айтилишича, Москвада 48 соат ичида терактлар содир этилиши мумкин.
Россия томони бу хабарларга ҳозирча расман изоҳ бермади.
