Мактабларда қачон ўқиш бошланиши аниқ бўлди
Мактабгача ва мактаб таълими вазирлиги бу масала бўйича маълумот берди.
Жамият
11 август 2023 йил
Ўзбекистондаги мактабларда ўқув йили 4 сентябрдан бошланади. Бу ҳақда Мактабгача ва мактаб таълими вазирлиги хабар берди.
Ўзбекистон Республикаси Президентининг «2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги Фармонига мувофиқ, Мустақиллик байрами муносабати билан 2 сентябр — шанба қўшимча дам олиш куни сифатида белгиланганлиги сабабли 1-3 сентябр барча учун дам олиш кунлари саналади.
"Шу муносабат билан республикамиздаги барча мактабларда янги — 2023/2024-ўқув йили дарс жараёнлари 2023-йил 4-сентабрдан (душанба куни) бошланишини маълум қиламиз", дейилади хабарда.
