Бухоро вилояти ҳокимига бирданига икки ўринбосар тайинланди
Жалол Арашов 1988 йил 6 октябрда Қоракўл туманида туғилган.
Бухоро вилояти ҳокимига икки ўринбосар тайинланди. Бу ҳақда вилоят ҳокимлиги хабар бермоқда.
Жумладан, Арашов Жалол Самандарович - Бухоро вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.
Жалол Арашов 1988 йил 6 октябрда Қоракўл туманида туғилган. 2009 йилда Тошкент архитектура ва қурилиш институти (кундузги)ни тугатган. Маълумоти бўйича мутахассислиги - муҳандис-иқтисодчи.
У айни вақтга қадар Ўзбекистон Республикаси Қурилиш ва уй-жой коммунал хўжалиги вазирининг ўринбосари вазифасида ишлаб келаётган эди.
Шахриёров Ботиржон Завқиддинович - Бухоро вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари лавозимига тайинланди.
Аввалроқ Аҳмедов Ботир Илҳомович Бухоро вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланганди.
