Сирдарёда ҳокимларга Tracker олиш учун 4 млрд сўм ажратилди
Шунингдек, вилоят ҳокимлигига қўшимча бино қуриш учун 1 млрд сўм ажратилиши кўзда тутилган.
Сирдарёда вилоят ҳокимининг ўринбосарларига ҳамда туман ва шаҳар ҳокимларига 16 та Tracker автомашинасини харид қилиш учун 4 млрд сўм пул ажратилди.
Бу ҳақда Халқ депутатлари Сирдарё вилояти кенгашининг қарори қабул қилинган. Жами харажатлар учун сарфланадиган маблағлар миқдори 7,6 млрд сўмни ташкил қилади.
Шунингдек, вилоят ҳокимлигига қўшимча бино қуриш учун 1 млрд сўм ажратилиши кўзда тутилган. Вазирлар Маҳкамаси фармойишига асосан харид қилинган маблағларни сақлаш бўйича ижара қарздорлигига 400 млн. сўм сарфланади.
Куни кеча эса Навоийда "Президент фармонлари ва ҳукумат қарорларини бажариш, инфратузилма объектларини қуриш ва аҳоли турмуш даражасини ошириш мақсадида" маҳаллий бюджетдан 51,4 млрд. сўм маблағ ажратилиши ҳақида хабар берилганди.
