Хоразмда 18 ёш қиз ўзини осиб қўйганини прокуратура тасдиқлади
Ҳозирда ўлим сабабини аниқлаш юзасидан суд-тиббий экспертизаси тайинланган.
![Хоразмда 18 ёш қиз ўзини осиб қўйганини прокуратура тасдиқлади](https://cp.platina.uz/media/CACHE/images/IMG_20230506_214828_021.5e018dd14eed.webp)
Хоразм вилояти Қўшкўпир туманида бугун, 6 май куни 18 ёшли қизнинг жасади топилган. Вилоят прокуратураси ҳолат юзасидан маълумот берди.
Маълум қилинишича, навбатчилик қисмига соат 12:50 да фуқаро Ч.Қ.нинг ўз жонига қасд қилиб, вафот этгани ҳақида хабар келиб тушган. Ҳодиса жойи туман прокурори Б.А.Матрасулов раҳбарлигидаги тергов-тезкор гуруҳи ва суд-тиббий экспертлари иштирокида кўздан кечирилган.
Фуқаро Ч.Қ. Хадра қишлоғи "Незахос" маҳалласи Озодлик кўчасида яшаган. У 2005 йил 4 февралда туғилган. Ҳозирда ўлим сабабини аниқлаш юзасидан суд-тиббий экспертизаси тайинланган. Мазкур ҳолат юзасидан терговга қадар текширув ҳаракатлари олиб борилмоқда. Текширув ҳаракатлари вилоят прокуратураси томонидан назоратга олинган.