Кўпчилик интиқлик билан кутган дам келди

Шундай саналар бўладики, уни барча байрамлар, ҳатто туғилган кунидан ҳам кўпроқ орзиқиб кутишади. Бугун шундай сана – Green Card лотереясининг натижалари эълон қилинадиган кун.

Ўтган йили 5 октябрдан 8 ноябргача махсус сайтда анкета тўлдирганлар бугун – 6 майдан бошлаб омадлари келган-келмаганини билиб олишлари мумкин.

Анкетангиз ютганини билиш учун лотереянинг расмий сайти https://dvprogram.state.gov/ да қуйидаги маълумотларни киритиб текшириб кўрасиз:

• Confirmation Number – лотереяга ариза берган қатнашчининг рақами;
• Лотин ёзувидаги исм-фамилия;
• туғилган сана.

Бугун текшириб кўриш жараёни бироз қийин кечиши мумкин. Чунки бутун дунёдан талабгорлар айни шу дақиқаларда текшириб кўришга ошиқишгани боис сайт серверлари зўриқиши мумкин. Шунчаки бироз вақт ўтиб яна керакли маълумотларни киритиб кўриш керак. Ҳаммага омад!