Навоийлик Ортиқхўжаев: тадбиркорликдан ҳокимлигу сенаторликкача

У яхшигина бизнесмен, аввал ҳам фирмалари бўлган, ҳозир ҳам бор. Шунинг учун уни Тошкентнинг собиқ ҳокими Жаҳонгир Ортиқхўжаевга ўхшатиш мумкин.

Жамият
31 май 2023 йил
Навоийлик Ортиқхўжаев: тадбиркорликдан ҳокимлигу сенаторликкача

Навоий вилояти Қизилтепа тумани ҳокими Улуғбек Файзиев яхшигина бизнесмен, аввал ҳам фирмалари бўлган, ҳозир ҳам бор. Шунинг учун уни Тошкентнинг собиқ ҳокими Жаҳонгир Ортиқхўжаевга ўхшатиш мумкин.

Фақат битта фарқи бор: Ортиқхўжаев ҳокимлиги пайтида амалдорларнинг бизнесига оид қонуний тақиқлар йўқ эди. Шунинг учун бемалол тадбиркорлигини қилавергандир.

Аммо Қизилтепа ҳокими ва айни пайтда сенатор ҳам бўлган Улуғбек Файзиевга тадбиркорлик билан шуғулланиш мумкин эмас. Маданият ва туризм вазири Озодбек Назарбековга тақдимнома киритган Антикоррупция агентлигига ушбу ҳолат қонунийлиги бўйича сўров юбордик.

Демак, Улуғбек Файзиев номида шу пайтгача 11 та МЧЖ бўлган, уларнинг 7 таси ёпилиб кетган, 6 таси ишлаб турибди. Баъзиларида Файзиевнинг ўзи 100 фоиз улушдор, айримларида катта фоизли ҳиссадор.

Уларнинг орасида Zarafshan Golden Group энг машҳури бўлиб, ҳоким 91,50 фоиз қисмига таъсисчилик қилади. Қолган 8,50 фоизига эса унинг акаси (ё укаси) Ойбек Файзиев эгалик қилади. Шу тариқа Ойбекнинг номида ҳам 5 та МЧЖ бор.

Коррупцияга қарши курашиш агентлиги ушбу ҳолатга эътибор қаратиб, қонунийликни таъминлайди, деган умиддамиз.

© 2023 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+