Хоккей бўйича Ўзбекистон ёшлар терма жамоаси Осиё ва Океания чемпиони бўлди
Мўғулистон пойтахтида ўтказилган мусобақада 18 ёшгача бўлган Ўзбекистон ўсмирлар терма жамоаси Осиё ва Океания чемпионига айланди.
Спорт
19 март 2023 йил
Хоккей бўйича 18 ёшгача бўлган Ўзбекистон ўсмирлар терма жамоаси Осиё ва Океания U-18 чемпионати ғолибига айланди. Мусобақа Мўғулистон пойтахти Улан-Батор шаҳрида 11−17 март кунлари бўлиб ўтди.
Ўзбекистон ёшлар терма жамоаси Туркманистон (5:0), Эрон (14:1), Мўғулистон (7:4), Таиланд (10:2) ва Бирлашган Араб Амирликлари (8:1) жамоаларини мағлуб этди. Шу тариқа, вакилларимиз мусобақа ғолиблигини қўлга киритди.
Терма жамоа сардори Жасурбек Рустамхонов турнир тўпурари бўлди. У бешта ўйинда 26 (14 гол ва 12 голли узатма) очко тўплаган.
