Шимолий Корея ядро қуролини синовдан ўтказмоқчи

КХДР йил охиригача ядровий синовлар ўтказиши ва янги разведка сунъий йўлдошларини учириши даргумон, бироқ бу амалиётни келаётган 2024 йилда амалга ошириши мумкин, дея маълумот беради Жанубий Корея разведкаси.

Ушбу хабар мамлакат парламенти разведка қўмитаси раиси ўринбосари Ю Сан Бом томонидан эълон қилинган. 

“Давлат разведка хизмати яқин кунларда еттинчи ядро синови белгиларини қайд этмаяпти... 2023 йилда ядро синовлари ўтказилиши эҳтимоли паст деб баҳоланмоқда. Лекин 2024 йилда Ким Чен Иннинг тегишли қарори қабул қилинса, у исталган вақтда ўтказилиши мумкин”, — дея депутатнинг сўзларидан иқтибос келтирган Yonhap агентлиги.

“Янги сунъий йўлдошларни яратиш учун уч йилдан кўпроқ вақт кетади, агар Шимолий Корея улар олган Гуам оролининг суратларини кўрсатмаса, биз уларнинг сунъий йўлдошларининг имкониятларини баҳолай олмаймиз”, — дейди разведка хизмати вакиллари Жанубий Корея депутатларига. 

Бундан ташқари, разведка хизмати вакиллари Шимолийнинг қитъалараро баллистик ракеталар учун қаттиқ ёнилғи двигателини яратиш амалиёти ҳали ҳам дастлабки босқичда деб ҳисоблашган.

Аввалроқ Жанубий Корея КХДР билан 2018 йилда имзоланган келишувни қисман тўхтатганди. Мамлакат шимоллик қўшнисини айғоқчи қурилмалар учиришда айблаган.