Тана ҳарорати кўтарилганда йўл қўйиладиган энг катта хатолар

Иситма кўтарилганда, касалликнинг ривожланишини тўхтатишга ҳаракат қилишда хатоликка йўл қўймаслик керак. Россиялик терапевт Татяна Романенко бу ҳолатда учта энг кенг тарқалган хато ҳақида гапирди.

Тана ҳароратининг ошиши танадаги яллиғланиш жараёнини кўрсатиши мумкин. Шифокорнинг таъкидлашича, шифокор билан маслаҳатлашмасдан комбинацияланган дорилар ёрдамида иситмани енгишга уриниш биринчи жиддий хатодир.

“Агар одам даволанмаса, ишга ёки ўқишга кетса, касаллик асоратлари ривожланиши мумкин. Айримлар ўзбошимчалик билан препаратлар қабул қилиб, касаллик симптомларини маълум маънода йўқ қилишади. Бунда хасталик чекинмайди, шунчаки аломатлар йўқолади. Масалан, вирусли фонда бактериал инфекция ривожланиши мумкин”, деб тушунтирди Романенко.

Иккинчи хато - иситмани эътиборсиз қолдириш. Бу юракка ортиқча юк олиб келиши мумкин. Шифокорнинг сўзларига кўра, баъзида касал одам 39 даражагача бўлган ҳароратда ҳам ўзини яхши ҳис қилади. Бундай ҳолда, антипиретик препаратларни қабул қилиш керак. Терапевтнинг қўшимча қилишича, марказий асаб тизими касалликлари бўлган одамлар одатда ҳарорати 38 даражадан ошишига йўл қўймасликлари керак.

Аксинча, керак бўлмаганда иситмани туширувчи воситани қабул қилмаслик керак – бу учинчи кенг тарқалган хато, дея тушунтиради терапевт.