Машҳур актёр ўз уйидан ўлик ҳолда топилди

Машҳур америкалик актёр Метю Перри Лос-Aнжелесда 54 ёшида оламдан ўтди, деб хабар бермоқда Los Angeles Times.

У шанба куни тушдан кейин уйидаги иссиқ ваннада ўлик ҳолда топилган. Ўлим сабаби юрак ҳуружи оқибатида чўкиш бўлиши мумкин, дейилади хабарда

Болалигидан филмларда рол ўйнай бошлаган актёр 1994 йилда чиққан “Дўстлар” сериалидаги Чандлер роли билан машҳур.

Шунингдек, у "Учлик танго", "Триумф: Рон Кларкнинг ҳикояси", "Тўққиз ярд", "Дадам яна 17 ёшда" ва бошқа филмларда ўйнаган.