Жаҳонда энг кўп смартфон сотаётган компания маълум қилинди
Глобал смартфон савдоси ўтган йилнинг шу даврига нисбатан 8 фоизга қисқарган.
Кореянинг Samsung корпорацияси жаҳон смартфон бозорида етакчи эканлигини исботлади. Бу ҳақда сўнгги Counterpoint ҳисоботида айтилади.
Компаниянинг жаҳон смартфон бозоридаги улуши 20 фоизни ташкил этди. Иккинчи ўринни 16 фоизлик улуш олган Apple эгаллади. Хитой компанияси Xiaomi 12 фоиз билан учинчи энг машҳур смартфон бренди деб топилди. Қуйида эса бошқа Хитой ишлаб чиқарувчилари: Oppo - 10 фоиз, Vivo - 8 фоизлик натижа қайд этди.
Aгентлик таҳлилчиларининг таъкидлашича, глобал смартфон савдоси ўтган йилнинг шу даврига нисбатан 8 фоизга қисқарган, бироқ ўтган чоракка нисбатан 2 фоизга ошган. Яқин Шарқ ва Aфрика йиллик савдо ўсишини қайд этган ягона бозорга айланди.
Материалда айтилишича, ижобий динамика йил охиригача давом этиши керак. Бу iPhone 15 чиқарилиши, турли чегирмалар билан боғлиқ.
Телеграмда кузатиб боринг!