АҚШлик иқтисодчи аёл Нобел мукофотини қўлга киритди

Aмерикалик Клаудия Голдин аёллар меҳнат бозоридаги тадқиқотлари учун иқтисодиёт бўйича Нобел мукофотига сазовор бўлди.

Қўмита маълумотларига кўра, Голдин "меҳнат бозоридаги гендер номутаносиблигининг асосий сабабларини очиб берди" ва биринчи бўлиб гендерлар даромадлари фарқлари устида тадқиқот қилгани учун мукофотга сазовор бўлди.

Шунингдек, у эркаклар ҳали ҳам ўртача кўпроқ маош олиши ва аёллар жаҳон меҳнат бозорида кам намоён бўлиши сабабларини ўрганиб чиқди.

Клаудия Голдин 1946 йил Нью-Йоркда туғилган.

Эслатиб ўтамиз, тинчлик бўйича Нобел мукофоти эронлик ҳуқуқ ҳимоячиси Наргес Муҳаммадийга берилганди.